Milliy tibbiyot markazi shifokorlari Samarqandning tarixiy maskanlarini ziyorat qildilar
🏨Milliy tibbiyot markazi rahbariyati tashabbusi bilan markazning bir guruh shifokorlari uchun qadimiy va navqiron Samarqandga ma’naviy-ma’rifiy sayohat tashkil etildi.
🤝Ichki turizmni yanada rivojlantirish, yurtimizning boy tarixiy-madaniy merosi bilan yaqindan tanishish, ajdodlarimiz qoldirgan bebaho merosni chuqurroq anglash hamda jamoa a’zolarining ma’naviy hordiq chiqarishlarini ta’minlash maqsadida tashkil etilgan ushbu sayohatda 50 nafarga yaqin shifokor ishtirok etdi.
🌐Sayohat dasturi O‘zbekiston Respublikasining Birinchi Prezidenti Islom Karimov maqbarasini ziyorat qilish bilan boshlandi.
Shundan so‘ng ishtirokchilar Samarqandning dunyoga mashhur tarixiy obidalari – Bibixonim majmuasi, qadimiy Siyob bozori, Go‘ri Amir maqbarasi, Registon maydoni, Tillakori va Sherdor madrasalari, Ulug‘bek rasadxonasi hamda Imom al-Buxoriy majmuasini ziyorat qildilar.
📚Tarix va bugunning uyg‘unligini o‘zida mujassam etgan Samarqand shahri ishtirokchilarda katta taassurot qoldirdi.
✅Sayohat davomida shifokorlar buyuk ajdodlarimizning ilm-fan, ma’rifat va madaniyat rivojiga qo‘shgan ulkan hissasi bilan yaqindan tanishib, milliy qadriyatlarimizga bo‘lgan hurmat va ehtiromlarini yanada mustahkamladilar.
‼️Bunday ma’naviy-ma’rifiy tadbirlar tibbiyot xodimlarining madaniy dunyoqarashini kengaytirish, jamoa birdamligini mustahkamlash hamda yurtimizning boy tarixiy merosini targ‘ib etishda muhim ahamiyat kasb etadi.
✍️Milliy tibbiyot markazi
Matbuot xizmati.
Bizga xabar qoldiring
Tegishli xabarlar
‼️ Бесплатная консультация пациентов с б...
Najotga aylangan saxovat: yana bir inson...
Milliy tibbiyot markazida xalqaro akkred...
Milliy tibbiyot markazi shifokorlari Sam...
