Yangiliklar tafsilotlari

Bugun Milliy tibbiyot markazida markaz faoliyatini yanada takomillashtirish va aholi sog‘lig‘ini himoya qilish bo‘yicha muhim vazifalar ijrosiga bag‘ishlangan navbatdagi yig‘ilish bo‘lib o‘tdi. Ushbu yig‘ilishda markaz rahbariyati, bo‘lim boshliqlari, va yetakchi shifokorlar ishtirok etdilar.

Yig‘ilish davomida markazning malakali mutaxassislari tomonidan tibbiy xizmat sifatini oshirish maqsadida amalga oshirilayotgan tadbirlar, yangiliklar va ilg‘or usullar haqida batafsil taqdimotlar o‘tkazildi. Shu bilan birga, bemorlarning xizmatlardan qoniqish darajasi, diagnostika va davolash jarayonlarini yanada takomillashtirish yo‘nalishlari, shuningdek, zamonaviy texnologiyalar va usullarni amaliyotga tatbiq etish masalalari muhokama qilindi.

‼️ Yig‘ilishning asosiy mavzusi — tibbiy xizmatlar sifatini yaxshilash edi. Bunda markazning turli bo‘limlaridagi xizmat ko‘rsatish jarayonlarini tekshirish, mavjud muammolarni aniqlash va ularga tezkor yechim topish bo‘yicha aniq chora-tadbirlar ishlab chiqildi. Shuningdek, bemorlar bilan bevosita ishlayotgan shifokorlarning professional ko‘nikmalarini oshirish, ularning malakasini doimiy ravishda yangilab borish muhimligi ta’kidlandi.

Markaz rahbariyati tomonidan tegishli bo‘lim boshliqlariga tibbiy xizmatlar sifatini oshirish borasida bir qator topshiriqlar berildi. Ular orasida:

Tibbiy jarayonlarda bemorlar bilan yanada yaqinroq ishlash;

Bemorlar murojaatlariga tezkor javob qaytarish va ularning ehtiyojlarini samarali qondirish;

Davolash va diagnostika jarayonlarini zamonaviy usullar bilan boyitish;

Innovatsion texnologiyalarni joriy etishda faol qatnashish kabi vazifalar kiritildi.

Bundan tashqari, aholining sog‘ligini mustahkamlash va keng jamoatchilik orasida profilaktika tadbirlarini yanada kengaytirish masalalariga ham alohida e’tibor qaratildi. Bu jarayonlarni tezroq amalga oshirish va sifatini oshirish uchun zarur choralar ishlab chiqildi.

Yig‘ilishda qayd etilishicha, Milliy tibbiyot markazi hozirgi kunda mamlakatimizda sog‘liqni saqlash tizimidagi etakchi muassasalardan biri sifatida aholi salomatligini himoya qilishda muhim rol o‘ynamoqda. Shifokorlar va tibbiyot xodimlarining sa’y-harakatlari tufayli bemorlar yuqori sifatli tibbiy xizmatlardan foydalanib kelmoqdalar.

✍️ Milliy tibbiyot markazi
Matbuot xizmati: Zulayho Musurmonova