Yangiliklar tafsilotlari

18.09.2024

Yangi qaror mazmun-mohiyati tushuntirildi

• admin
• Mdical, Care
• 358

📚 Xabaringiz bor, yaqinda Prezidentimizning “Davlat tibbiy sug‘urtasi mexanizmlarini joriy etishga oid chora-tadbirlar to‘g‘risida”gi qarori qabul qilindi. Mazkur qaror, 2024-yilning 5-sentabrida PQ-311-son bilan tasdiqlangan bo‘lib, tibbiy sug‘urta tizimini joriy etish orqali aholiga ko‘rsatiladigan tibbiy xizmatlar sifatini oshirishni ko‘zda tutadi.

👨‍⚕️ Ushbu qarorning asosiy maqsadi – mamlakatimizda tibbiyot sohasini yanada rivojlantirish, tibbiy xizmatlarni aholining keng qatlamlariga sifatli va arzon narxlarda taqdim etishdir. Shu sababli, tibbiyot xodimlari, shu jumladan, shifokorlar va boshqa sog‘liqni saqlash vakillari ushbu qaror mazmunini to‘liq tushunib, uning ijrosini ta’minlashlari muhimdir. Davlat tibbiy sug‘urtasi mexanizmlari orqali tibbiy xizmatlar uchun to‘lov tizimi yanada soddalashtirilib, aholi uchun qulay sharoitlar yaratiladi.

🏥 Shu maqsadda Milliy tibbiyot markazida davlat tibbiy sug‘urtasi mexanizmlarini tushuntirishga qaratilgan maxsus seminar tashkil etildi. Ushbu tadbirda shifokorlar va tibbiyot xodimlariga yangi qarorning mazmun-mohiyati, uning ijrosini ta’minlash yo‘llari, shuningdek, davlat tibbiy sug‘urtasining to‘liq ishlash mexanizmi atroflicha tushuntirildi. Tadbir davomida davlat tibbiy sug‘urtasi jarayonida shifokorlar zimmasiga yuklatilgan vazifalar va mas’uliyatlar, bemorlarga ko‘rsatiladigan tibbiy xizmatlar uchun kompensatsiya mexanizmlari (reimbursatsiya dasturi) kabi muhim jihatlar alohida e’tiborga olindi.

📈 Tadbir davomida Milliy tibbiyot markazining tajribali mutaxassislari tomonidan tibbiy xizmat sifatini oshirish va bemorlarni samarali davolash bo‘yicha yangi yondashuvlar va ilg‘or amaliyotlar taqdimoti ham o‘tkazildi. Mazkur taqdimotlar orqali tibbiy xizmat ko‘rsatishda davlat tibbiy sug‘urtasi mexanizmlaridan foydalanish, xizmatlar sifatini oshirishda yangi texnologiyalarni qo‘llash, zamonaviy diagnostika va davolash usullarini tatbiq etish yo‘llari yoritildi.

Tadbirda Milliy tibbiyot markazi shifokorlari va boshqa tibbiyot xodimlari faol ishtirok etdi. Yig‘ilish yakunida ishtirokchilar davlat tibbiy sug‘urtasini tatbiq etishning dolzarb jihatlari va amaliy choralar to‘g‘risida batafsil savol-javoblar o‘tkazdi. Shuningdek, davlat tibbiy sug‘urtasi tizimining aholiga keltiradigan foydasi, shifokorlar zimmasiga yuklaydigan yangi mas’uliyatlar va bemorlar uchun yaratiladigan imkoniyatlar haqida keng ko‘lamli muhokamalar olib borildi.

👨‍⚕️ Ushbu qaror orqali tibbiyot sohasidagi innovatsion yondashuvlarni kengaytirish, shifokorlar malakasini oshirish va sog‘liqni saqlash tizimini yanada rivojlantirishga qaratilgan yangi imkoniyatlar yuzaga kelishi kutilmoqda.